भकुण्डे २२ कार्तिक काभ्रेको नमोबुद्ध नगरपालिकाले योजना सम्झौता गर्न सबै उपभोक्ता समितिलाई समय निर्धारण गरेको छ ।

नगरपालिकामा सम्पादन गरिने योजनाहरुलाई ब्यवस्थीत र प्रभावकारी कार्यन्वयन गर्न समय निर्धारण गरिएको नगरपालिकाका प्रमुख प्रशासकिय अधिकृत भोलाप्रसाद चापागाईले बताउनु भयो । अधिकृत चापागाईका अनुसार मंसिर मसान्त भित्र अनिवार्य रुपमा सबै आयोजना कार्यन्वयनका लागी उपभोक्ता समिति गठन गरी सिफरिस तथा सम्झौताका गर्न नगरपालिकाले अनुरोध गरेको छ ।

नगरपालिकाको हरेक योजना कार्यन्वयनका लागि निर्माण गरेका उपभोक्ता समितिमा सात देखी ११ जना हुनुपर्ने नगरपनलिकाले जनाएको छ । यसैगरी हरेक योजनाको ३ सदस्यीय अनुगमन समिति समेत बनाउनुपर्ने अनिवर्य गरिएको छ । यस्तै एक ब्यक्ति एउटा भन्दा बढी उपभोक्ता समितिको सदस्य हुन नपाईने नगरपालिकाले जनाएको छ ।