धुलिखल २६ साउन : काभ्रे जिल्ला प्रशासन, नापी र मालपोत कार्यलयबाट दैनिक रुपमा प्रवाह हुने सेवा लिन भोली बाट बार तोकिने भएको छ ।

सेवाग्राहीको भिडभाड हुने कार्यलयहरुमा भिड कम गराउन जिल्ला संकट ब्यवस्थापन केन्द्र (डिसीसीएमसी) ले यस्तो निर्णय गरेको हो । धुलिखेल, पाँचखाल र पनौतीका सेवाग्राहीहरुले आईतबार, मंगलबार र बिहिबार यी कार्यलय बाट प्रवाह गरिने सेवा सुबिधा लिन पाउने छन् । यस्तै बनेपा, मण्डन देउपुर र नमोबुद्ध नगरपालिकाका सेवागा्रहीले सोमबार, बुधबार र शुक्रबार सेवा लिन सक्ने डिसीसीएमसीले जनाएको छ ।

गाँउपालिकाका सेवाग्राहीमा भने यो लागु हुने छैन । गाँउपालिकाका सेवागा्रहीलाई भने रहेक दिन सेवा उपलब्ध गराईने बताईएको छ । सेवाप्रवाह तोकिएको बार अर्को ब्यबस्था नभए सम्मकालागी लागु हुने डिसीसीएमसीले जनाएको छ ।