धुलिखेल, १४ असारः काभ्रेबाट नेपाली खेलकुद जगतको कराँते बिदाका एक कुशल तथा निडर खेलाडी बीरमान लामा (वाइवा)को निधन भएको छ । गएराति खाना आएर सुत्नु भएका वाइबा बिहान अबेरसम्म पनि नउठेपछि परिवारका सदस्यले उठाउन खोज्दा मृत अवस्थामा फेला पर्नुभएको हो ।

काभ्रेको बेथानचोक गाउँपालिका वडा नं. ६, मेदाङसु स्थित आफ्नै निवासमा बीरमान मृत फेला परेको उनका साइला दाइ आशमान वाइबाले जानकारी दिए । २९ बर्षीय बीरमान लकडाउनपछि गाउँ गएका थिए ।

नेपाली सेनामा कार्यरत बीरमान बिगत २ दशक यता खेलकुदमा आबद्ध थिए । उनी एक दशकसम्म नेपालका राष्ट्रिय विजेता हुन् । क्योकुशिन कराँतेका राष्ट्रिय विजेता उनले क्योकुशिन कराँतेबाट नै राष्ट्रिय तथा अन्तर्राष्ट्रियस्तरका विभिन्न प्रतियोगितामा सहभागी भएको उनले बताए ।

बीरमानको मृत्युको कुनै कारण नखुलेको उनका दाई आशमानले बताए । उनका चार दाजु भाई छन् । बीमार कान्छो सन्तान हुन् ।