महेश सिंह ,सिरहा २३ जेठ: बिश्वभर महामारीको रूपमा फैलिएको कोरोना भाईरस अथवा कोिभड (१९ का कारणले लकडाउनबाट प्रभावित भएका दैनिक छाक टार्न समस्या झेल्दै आएका सिराहका हरवा, चरवा समुदायलाई राहत वितरण गरिएको छ । दलित विकास मञ्च सिरहाले द फ्रिड फण्डको सहयोगमा १५० घर धुरी हरवा चरवा परिवारलाई राहत वितरण गरेकाे हाे ।

मजदुरी गुमाएका हरवा चरवा परिवारले राहत पाएपछि खुसि व्यक्त गरेका थिए । हरवा चरवा परिवारको बिचल्ली हेरेर जिल्ला हरवा चरवा अधिकार मञ्च सिरहाका अध्यक्ष श्यामसुन्दर सदाले अन्नदान गरेका हुन् ।

सिरहाको धनगढीमाई नगरपालिकाका वडा नम्बर १, २ र सुखिपुर नगरपालिका वडा नम्बर ७ का हरवा चरवा शसत्तिकरण परियोजना अन्तरगत बचत तथा ऋण समुह सदस्यहरूलाई प्रति घर धुरी चामल, दाल, नून र तेल वितरण गरेको कार्यक्रम संयोजक रविन महराले जानकारी दिए ।

राहत सुखिपुर वडा नम्बर ७ का वडा अध्यक्ष विरेन्र्द महतोको रोहबरमा वितरण गरिएकोह ो । धनगढीमाई नगरपालिकाका १,२ का वडा प्रतिनिधिको समेत उपस्थित रहेको थियो । कोरोना भाइरसको जोखिम कम होस भन्नाका लागि सामाजिक दुरी कायम गरी राहत वितरणको ब्यस्था मिलाएरको दलित विकास मञ्च सिरहाका सचिव रामचन्द्र महराले बताए ।