धुलिखेल, १२ जेठः काभ्रेको अति विकट खानीखोला गाउँपालिकामा आरडिटी किटको अभाव हुदाँ कोरोना भाइरसको परीक्षण रोकिएको छ । पालिकाले परीक्षणको लागि १ सय जनाको लिस्ट निकालेको थियो तर किट अभाव भएका कारण परीक्षण हुन नसकेको पालिकाका स्वास्थ्य शाखा संयोजक रामपुकार यादबले जानकारी दिइ ।
जिल्लाबाट १६ गते भन्दा अगाडी पालिकामा किट उपलब्ध हुन नसक्ने जानकारी आफुहरुले पाएको स्वास्थ्य संयोजक यादबले बताए । समयमै किट पुर्याउन नसक्दा परीक्षण ढिलाई हुने र थप समस्या आउन सक्ने स्वास्थ्य शाखा संयोजक यादबको भनाइ छ ।
जिल्लाको खानिखोला गाउँपालिका बाहेक अरु पालिकामा भने आरडिटी किट पुगेर धमाधम परीक्षण भइरहेको छ ।
प्रतिक्रिया