धुलिखेल, ९ जेठः लकडाउनको मौका छोपेर अनाधिकृत रुपमा वन कटान हुन थालेको भन्दै धुलिखेल नगरपालिकाले त्यस्तो कार्य तत्काल रोक्न आग्रह गरेको छ । नगरपालिकाका प्रमुख प्रशासकीय अधिकृत नारानाथ लुइटेलले एक सूचना जारी गर्दै वन कटान रोक्न आग्रह गरेका हुन् ।

धुलिखेल नगरपालिकाभित्र पर्ने ठूलो वनबाट दाउरा, काठ, पत्कर संकलन गर्ने र रुख काट्ने निषेध गरेपनि कटान नरोकिएको नगरपालिकाले जनाएको छ । त्यस्तै वन क्षेत्रको सार्वजनिक जग्गा अतिक्रमण गरी विभिन्न ब्यक्ति र संघसंस्थाले बाली नाली नगाउने जस्ता कार्य भइरहेको नगरपालिकाले जनाएको छ । निशेधित क्षेत्रमा अनाधकृत रुपमा काम भए वन ऐन २०४९ तथा वन नियमावली २०५१ बमोजिम कारबाही हुने प्रमुख प्रशासकीय अधिकृत लुइटेलले बताए ।

नगरपालिकाको स्वीकृति बेगर निजी प्रयोजनका लागि वन क्षेत्रको पानीका स्रोत अनधिकृत रुपमा उपभोग नगर्न समेत नगरपालिकाले आग्रह गरेको छ ।