धुलिखेल, १३ बैशाखः इकाला प्रहरी कार्यालय बाह्रबिसेले दुई नाल भरुवा बुन्दुक र मृगको मासु सहित दुई जनालाई पक्राउ गरेको छ । जिल्लाको त्रिपुरासुन्दरी गाउँपालिका वडा नम्बर २ लुङगुर्पाका ३९ बर्षीय हिरा बहादुर गुरुङ र ३४ बर्षीय टपिन्द्र बहादुर गुरुङ पक्राउलाई पक्राउ गरेको जिल्ला प्रहरी कार्यालय सिन्धुपाल्चोकले जनाएको छ ।

घरेलु हतियार प्रयोग गरी जंगली जनावर मारेको स्थानीयले खबर गरेपछि गाउँ पुगेको प्रहरीले उनीहरु पक्राउ गरेको हो । टपिन्द्रको भान्सा घरमा मृग जस्तै जंगली जनावरको मासु पेरुङ्गो र बाटामा राखिएको अबस्थामा फेला पारेको र उनकै घरको पूजा घरमा २ नाल भरुवा बन्दुक समेत फेला परेको प्रहरीले जनाएको छ । हिराको भान्सा घरमा खाना पकाउने चुलोको माथि निगालोको सिलमा मृग तथा मृग जस्तै जंगली जनावरको मासु सुकाई राखेको अबस्थामा फेला पारेको प्रहरीले जनाएको छ ।

उनीहरुलाई इलाका प्रहरी कार्यालय बाह्रबिसेको हिरासत कक्षमा राखेर थप अनुसन्धान कार्य जारि भईरहेको प्रहरीले जनाएको छ ।