धुलिखेल, १० चैतः काभ्रेको धुलिखेल नगरपालिकाले आज राति देखि लकडाउन गर्ने औपचारिक निर्णय गरेको छ । नगरप्रमुख अशोक कुमार ब्याञ्जु श्रेष्ठले आज एक विज्ञप्ति मार्फत लकडाउन गर्ने बताएका हुन् । याे नियम राति १२ बजेदेखि लागु हुनेछ ।

नगरपालिकाले आफ्ना सिमाक्षेत्रभित्र अरनिको र बीपी राजमार्गमा सार्वजनिक तथा निजी सवारी साधान पूर्ण रुपले रोक लगाउने निर्णय गरेको छ । यद्यपी दुबै राजमार्गमा एम्बुलेनस, खाद्यन्न, फलफूल, तरकारी, इन्धन, औषधी तथा दुग्धजन्य पदार्थ बोकेका सवारी साधनलाई भने रोक चल्न पाउने छन् ।

नगरपालिको घर बाहिर ननिस्कन उर्दी जारी गरेको छ । घर परिसर बाहिर निस्कन निषेध गर्ने नगरपालिकाले बताएको छ । नगरपालिकाले विदेशबाट आएका आफन्त वा अपरिचित ब्यक्तिको बारेमा तत्काल वडा कार्यालयमा वा नजिकको प्रहरी कार्यालयमा जानकारी गराउने पनि भनेको छ ।