धुलिखेल, १० चैतः पाँचखाल नगरपालिकाले आह्वान गरेको स्वः घोषित कर्फ्यु कार्यान्वयनमा आएको छ । बजार पूर्ण बन्द भएको छ । सोमबार बिहानबाट बजार बन्द भएको हो । नगरप्रमुख महेश खरेलको अध्यक्षतामा आइतबार बसेको बैठकले सोमबारदेखि स्वःघोषित कर्फ्युमा जान सम्पूर्ण नगरबासीमा अनुरोध गर्ने निर्णय गरेको थियो ।

नगरपालिकाले आफ्नो नागरिक घरभित्रै बसी बस्ने आग्रह गरेको छ । बैठकले भिडभाड हुने चिया पसल, धेरै कामदार भएका उद्योग, व्यवसाय, सहकारी संस्था बन्द गर्न आग्रह गर्ने निर्णय गरेको थियो ।

नगरपालिकाले पाँचखाल प्राथमिक स्वास्थ्य चौकीमा ५ बेडको आइसोलोसन वार्ड तत्काल व्यवस्था गर्ने र समाजकल्याण प्राथमिक विद्यालयमा क्वारेन्टाईन वार्ड बनाउने गरी तयारी समेत थालेको नगरप्रमुख खरेलले जानकारी दिए ।

उद्याेग वाणिज्य संघ पाँचखालकाे सहयाेगमा पसल, कलकारखाना बन्द गरिएकाे हाे ।