धुलिखेल, ४ चैतः खानेपानीको समस्या झेल्दै आएका पाँचखाल नगरपालिका वडा नम्बर २ खोकबेसीका स्थानीयको समस्या समाधान हुने भएको छ । समस्या समाधानका लागि ७५ हजार लिटर क्षमताको खानेपानी ट्याङ्की निमार्ण हुन लागेको वडा नम्बर २ का अध्यक्ष हरी खतिवडाले जानकारी दिए ।

नजिकैको खोलाबाट लिफ्टीङ गरेर पानी बस्तीसम्म पुर्याइने छ । खोकबेसी खानेपानी आयोजनाबाट ८५ घरधुरी लाभान्वीत हुने छन् । आयोजना निमार्णका लागि खानेपानी डिभिजन कार्यालयले १७ लाख रुपैंया आर्थिक सहयोग गरेको छ ।

उपभोक्ता समिति मार्फत निमार्ण भईरहेको पानी ट्याङ्कीको काम आउने दशै सम्ममा सकिनेछ । त्यसपछि घर–घरमा पानी पुर्याउने योजना रहेको वडाअध्यक्ष खतिवडाले बताए ।