धुलिखेल, ३ फागनुः धुलिखेल नगरपालिकाको अनुगमन समितिले वडा नम्बर ६ मा निर्माण सकिएका र निमार्णधिन विभिन्न योजनाको अनुगमन गरेको छ । समितिले आर्थिक वर्ष ७६÷७७ का लागि नगर स्तरीय र वडा स्तरीय योजना अन्तर्गत निर्माण भइरहेका योजनाको अनुगमन गरेको भुमि ब्यबस्थापन तथा भबन नियमन शाखाका प्रमुख इन्जिनियर हरेराम हुमागाईले जानकारी दिए ।

समितिले इटिपुखु क्षेत्रमा निर्माण गरिएको सितलामाइ मन्दिर तथा पार्क, भैरब मन्दिर क्षेत्रमा निर्माण गरिएको भैरब मन्दिर तथा एतिहासिक धारा र इन्द्रयाणी–चन्द्रायणि–ब्राह्मणि मन्दिरको अनुगमन गरेको हो ।

योजना अनुगमनका लागि उपप्रमुख एवं योजना अनुगमन समितिका संयोजक तथा प्राविधिक टोली पुगेका थिए । नगरस्तरीय अनुगमन समितिले अनुगमन गरिसकेपछि मात्रै भुक्तानी दिने ब्यवस्था रहेको छ । त्यस कारण पनि समितिले अनुगमनलाई तीब्र दिइरहेको हो ।