धुलिखेल, २८ फागुनः धुलिखेल नगरपालिकाको अनुगमन समितिले नगर र वडा स्तरीय योजनाको अनुगमन गरेको छ । समितिले बुधबार नगरपालिकाको वडा नम्बर ११ पात्लेखेतको डाडाँगाउ–कल्छे–तिनपिप्ले मोटर बाटो र धामी गाउँ डिप बोरिङ खानेपानी आयोजनाको अनुगमन गरेको भुमि ब्यबस्थापन तथा भबन नियमन शाखाका प्रमुख इन्जिनियर हरेराम हुमागाईले जानकारी दिए ।
उपप्रमुख बिमला शर्मा संयोजक रहेको अनुगमन समितिले कालिदेबी महिला सहकारी तरकारी संकलन केन्द्र र डाँफे खोला घाटेपाटी सत्तल निर्माण आयोजनाको पनि अनुगमन गरेको प्रमुख इन्जिनियर हुमागाईले बताए । धामी गाउँ डिप बोरिङ खानेपानी आयोजनाबाट एक घर, एक धारा कार्यक्रम अन्तर्गत १ सय ७५ घरधुरीमा खानेपानी पुर्याइने छ ।
प्रतिक्रिया