धुलिखेल, २६ फागुनः काभ्रे प्रहरीले होलीलाई सौहार्द पुर्ण वातावरणमा लेख्न आग्रह गरेको छ । प्रहरीले संयमित भएर होली पर्व मनाउन आग्रह गरेको हो । धेरै जमघट नगर्न र इच्छा विपरित रंग, पानी र लोला हानेको पाइएको तत्काल कारबाही गर्ने काभ्रे प्रहरी प्रमुख रवि कुमार पौडेलले बताए ।

उनका अनुसार जिल्लाको बनेपा, पनौती, धुलिखेल र मूख्य–मुख्य बजार क्षेत्रलाई सोमबार सुरक्षाका हिसाबले अति संवेदशील मानिएको छ । त्यहि अनुसार सुरक्षा कर्मीको उपस्थिति बढाइएको एसपी रवि कुमार पौडेलले बताए ।

प्रहरीले बनेपामा सवारी साधनको चेकजाँचलाई अघिल्लो दिनको तुलनामा ह्वात्तै बढाएको छ । खासगरी दुई पाङ्ग्रे सवारी साधानलाई उच्च निगरानीमा राखिएको एसपी पौडेलले बताए । प्रहरीले आफ्नो घर, टोल, छरछिमेकमा कुनै उत्शृङखल गतिविधि र अप्रिय घटना भए पैसा नलाग्ने फोन नम्बर १०० मा फोन गर्न पनि आग्रह गरेको छ ।

विश्वभर फैलिएको कोरोना भाइरसका कारण पनि यो वर्ष होली खेल्नेको चहलपहल भने सहर बजारमा निकै कम देखिन्छ । गृहमन्त्रालयले रंग, पानी प्रयोग नगर्न र धेरै संख्यामा जमघट नगर्न सबैलाई अपिल गरेको छ ।