धुलिखेल, २१ फागुनः रामेछापको गुराँसेबाट काठमाण्डौका लागि हिडेको यात्रुबाहक बस काभ्रेको ढाँडखर्कमा दुर्घटनामा परेको छ । दुर्घटनामा ४० जना घाइते भएको छन् ।

२ जनाको अवस्था भने गम्भीर रहेको जिल्ला प्रहरी कार्यालय काभ्रेका डिएसपी कुमार विक्रम थापाले जानकारी दिए । उनीहरुलाई थप उपचारका लागि काठमाण्डौँ पठाइएको छ । घाइते सबैलाई उपचारका लागि धुलिखेल अस्पताल ल्याइएको थियो । उपचारपछि एक जना यात्रु घर फर्किएको प्रहरीले जनाएको छ ।

विपरित दिशाबाट आएको गाडीलाई साइड दिनका लागि ब्याक गर्नेक्रममा बुधबार बिहान करिब १० बजेतिर बा ४ ख ७१०२ नम्बरको बस दुर्घटनामा परेको हो । बस सडकदेखि २० मिटर तल खसेर दुर्घटना भएको इकालाका प्रहरी कार्यालय कात्तिके देउरालीका प्रहरी निरीक्षक पवनकुमार झाले बताए ।

घटना लगत्तै फरार रहेको चालक सम्पर्कमा आइसकेका कात्तिकेदेउराली प्रहरी चौकीले जनाएको छ ।