काभ्रे, ३ कार्तिक । काभ्रेको नमोवुद्ध नगरपारपालिका वडा नं. ३ भकुण्डे बेशीमा रहेको विन्धवासिनी इट्टा उद्योगमामा आन्तरिक राजस्व कार्यालय धुलिखेल काभ्रेपलाञ्चोकले शिलबन्दी गरेको छ । गत शुक्रबार राजस्व कार्यालयले अनुगमन गर्ने क्रममा उद्योगले खराब कारोबार गरेको फेला पारेपछि छानवीनका लागि संकास्पद कागजातहरुको सुरक्षा गर्न शिलबन्दी गरिएको हो ।

भकुण्डेको बुच्चाकोटमा रहेको उक्त ईट्टा उद्योग लगातय अन्य सबै ७ वटा उद्योगलाई बन्द गर्न नमोवुद्ध नगरपालिकाले आधुनिक औजारको प्रयोग गरी केही समयअघि भत्काएको थियो । त्यसपछि अदालत गएका व्यवसायीहरुको पक्षमा हाल सर्वोच्च अदालतले फैसला दिएको छ । आन्तरिक राजस्व कार्यालय काभ्रेले उक्त ईट्टा उद्योगलाई पत्राचार गर्दै छानवीनका लागि पत्र प्राप्त भएको मितिले तीन दिनमा कार्यालयमा हाजिर हुन भनेको छ ।

कार्यालयले उद्योगसँग सम्बन्धित आवश्यक कागजातहरु आर्थिक वर्ष ०७६, ०७७ को खरिद, विक्री, मौजाद खाताहरु लगायत आवश्यक वीलहरु समेत लिएर आन्तरिक राजस्व कार्यालय धुलिखेल काभ्रेमा हाजिर हुन निर्देशिन गरेको छ । उक्त उद्योगलाई खरिद खाता, विक्री खता, मौजाद खता र वील सहित उपस्थित हुन जानकारी गराएका छौं, कार्यालयका एक प्रतिनिधिले भने, हामीलाई उद्योगले कर छली गरेको शंका छ ।