धुलिखेल, मंसिर १/ सिन्धुपाल्चोक जिल्लाको इन्द्रावती गाउँपालिका वडा नम्बर ८ का वडाध्यक्ष धन बहाहदुर श्रेष्ठ मृत अवस्थामा भेटिएका छन् ।

जिल्ला प्रहरी कार्यालय चौताराका अनुसार ६६ बर्षिय श्रेष्ठ इन्द्रवती गाउँपालिकाको वडा नम्बर ११ स्थित सेती दोभान बगरमा मृत भेटिएका हुन् ।

उनको मृत्युको कारण खुल्न नसकेको जिल्ला प्रहरी कार्यालय सिन्धुपाल्चोकका डिएसपी विमलराज कडेलका अनुसार उनको शव इन्द्रवती नदी किनारमा स्थानीयले देखेपछि प्रहरीलाई खबर गरेका थिए । ‘वडाध्यक्षको शव इन्द्रावती नदी किनारमा फेला परेको छ, उनले भने ‘मृत्युको कारण पोष्टमार्टम पछि मात्रै भन्न सकिन्छ ।’

उनी नेपाली काँग्रेसको तर्फबाट स्थानीय तहको निर्वाचनमा निर्वाचित भएका थिए ।