काठमाडौं । नेपाली कांग्रेसले पार्टीका पदाधिकारी तथा शीर्ष नेताहरूको बैठक बोलाएको छ।
सरकारले नेपाल प्रहरीका महानिरीक्षक (आईजीपी) दानबहादुर कार्कीलाई जिम्मेवारीबाट हटाएर एआईजी डा. मनोज केसीलाई नयाँ आईजीपी नियुक्त गरेपछि विकसित घटनाक्रमबारे पार्टीको धारणा तय गर्न बैठक बोलाइएको हो।
कांग्रेस महामन्त्री प्रदीप पौडेलका अनुसार बैठकमा पछिल्लो राजनीतिक घटनाक्रम र समसामयिक विषयमा छलफल हुनेछ।
बैठक आज अपराह्न ४ बजे पार्टी केन्द्रीय कार्यालय सानेपामा बस्ने तय भएको छ।
सरकारको आईजीपी परिवर्तनसम्बन्धी निर्णयपछि प्रमुख प्रतिपक्षी दल कांग्रेसले यसबारे औपचारिक धारणा बनाउन लागेको हो।
प्रतिक्रिया