काठमाडौं । साताको कारोबारको दोस्रो दिन सोमबार नेपाली बजारमा सुनको मूल्य बढेको छ। नेपाल सुनचाँदी व्यवसायी महासंघका अनुसार छापावाला सुनको मूल्य अघिल्लो दिनको तुलनामा प्रतितोला १ हजार ६ सय रुपैयाँले बढेको हो।

आइतबार प्रतितोला ३ लाख ५ हजार २ सय रुपैयाँमा कारोबार भएको छापावाला सुन सोमबार बढेर ३ लाख ६ हजार ८ सय रुपैयाँ पुगेको छ। त्यस्तै, चाँदीको मूल्य पनि बढेको छ। चाँदी प्रतितोला ६० रुपैयाँले बढेर ४ हजार ७ सय ७० रुपैयाँ पुगेको छ।

महासंघका अनुसार सोमबार प्रति १० ग्राम छापावाला सुनको मूल्य २ लाख ६३ हजार ३० रुपैयाँ तथा प्रति १० ग्राम चाँदीको मूल्य ४ हजार ८९ रुपैयाँ ५० पैसा कायम भएको छ।

यससँगै नेपाली बजारमा सुनको मूल्य फेरि उच्च तहमा पुगेको छ।