काठमाडौं । सरकारको कुल लगानी ९ खर्ब ६५ अर्ब ८० करोड ७६ लाख ६४ हजार रुपैयाँ पुगेको छ। सार्वजनिक ऋण व्यवस्थापन कार्यालयका अनुसार आर्थिक वर्ष २०८२/८३ को असार मसान्तसम्म सरकारले विभिन्न संस्थान तथा निकायमा गरेको कुल लगानी यो परिमाणमा पुगेको हो।

कार्यालयका अनुसार कुल लगानीमध्ये शेयर लगानी ४ खर्ब १० अर्ब ५५ करोड ४१ लाख रुपैयाँ र ऋण लगानी ५ खर्ब ५५ अर्ब २५ करोड ३५ लाख रुपैयाँ रहेको छ। गत आर्थिक वर्ष २०८२/८३ मा मात्रै सरकारले ३४ अर्ब ९२ करोड ७१ लाख ९६ हजार रुपैयाँ थप लगानी गरेको छ। यसमध्ये ५ अर्ब ७३ करोड ९९ लाख ४६ हजार रुपैयाँ शेयर र २९ अर्ब १८ करोड ७२ लाख ४९ हजार रुपैयाँ ऋण लगानी गरिएको हो। सरकारले यही अवधिमा आफ्नो लगानीबाट ५६ अर्ब २० करोड २४ लाख ४९ हजार रुपैयाँ आम्दानी गरेको जनाएको छ। उक्त आम्दानीमध्ये ५० अर्ब ९२ करोड ९५ लाख ४१ हजार रुपैयाँ लाभांशबाट प्राप्त भएको हो।

त्यसैगरी, साँवा फिर्ताबाट २ अर्ब ८६ करोड ५२ लाख ६६ हजार रुपैयाँ तथा ब्याज आम्दानीबाट २ अर्ब ४० करोड ७६ लाख ४१ हजार रुपैयाँ प्राप्त भएको सार्वजनिक ऋण व्यवस्थापन कार्यालयले जनाएको छ।

सरकारको लगानीको ठूलो हिस्सा ऋण लगानीमा रहेको देखिएको छ भने, आम्दानीको प्रमुख स्रोत लाभांश बनेको तथ्यांकले देखाएको छ।