विराटनगर । उदयपुरका अमृत झा, जो तेल बोक्ने जहाजमा सिप क्याप्टेनका रूपमा कार्यरत थिए, हाल इरानी सेनाको नियन्त्रणमा रहेका छन्।

दुबईमा दुई वर्षदेखि कार्यरत अमृतले एक साता अघि परिवारलाई भ्वाइस म्यासेज पठाउँदै भनेका थिए
“तेल लोड भइसक्यो, अब दुबई पुगेर सिधै नेपाल आउँछु, मेरो छुट्टी पनि हुने बेला भयो।” तर त्यसको केही समयमै उनी इरानको हर्मुज क्षेत्रमा नियन्त्रणमा परेको खबर आयो। के कारणले नियन्त्रणमा लिइयो भन्ने अझै खुल्न सकेको छैन।

परिवारले परराष्ट्र मन्त्रालयमार्फत रिहाइको पहल गरिदिन अपिल गरेको छ। ३० वर्षीय झा थाइल्यान्डमा अध्ययनपछि रोजगारीका लागि दुबई गएका थिए। हाल उनको अवस्था अज्ञात रहेको छ।