सिन्धुली । सिन्धुली क्षेत्र नंं २ को निर्वाचन कार्यालय खटाएको कर्मचारीको सूचीमा माओवादी सम्बद्ध अखिल नेपाल शिक्षक संगठन .(एन्टो) का मरिण गाउँपालिका अध्यक्ष पनि खटिने भएका छन् ।
२ नम्बर क्षेत्रीय निर्वाचन कार्यालयले सार्वजनिक गरेको मतदान अधिकृत सहायक र कर्मचारीको बिबरणले यो क्षेत्रमा कर्मचारी खटनपटनमा दलीय छायाँ देखिएको आरोप लाग्न थालेको छ ।
मूख्य निर्वाचन अधिकृतनैं २ नम्बर निर्वाचन क्षेत्रीय प्रमुख रहनु भएको छ । माननीय जिल्ला न्यायाधीससमेत रहनु भएका निर्वाचन प्रमुखले करारका शिक्षक र कर्मचारी नखटाउने बताएका बेला सो कुरालाई बेवास्तागर्दै कर्मचारी खटन पटन हेर्नु भएका ति निर्वाचन अधिकारीले एक दर्जन राहत शिक्षक निर्वाचनमा खटाइएका छन् ।

माओवादीका नेताका रुपमा चिनिएका रुद्र वर्ण मामि कार्तिकेका शिक्षक र सोही मतदान केन्द्रका मतदाता थिए । उनलाई सो मतदान केन्द्रका प्रमुख बनाएको बिबरण सार्वजनिक भएपछि कर्मचारी खटनपटनमा किन जालजझेल भन्ने प्रश्न उठेको छ । सिन्धुलीको क्षेत्र नंं १ मा भने त्यस प्रकारको कुनै पनि प्रश्न उठेको बिबरण सार्वजनिक भएको छैन ।