काठमाडौं । नेकपा एमालेका अध्यक्ष केपी शर्मा ओलीले वर्तमान सरकारलाई कानुनी आधारविहीन र कृत्रिम रूपमा निर्माण गरिएको सरकारले भन्दै कडा टिप्पणी गर्नुभएको छ।

प्रेस चौतारी नेपालले काठमाडौंमा आयोजना गरेको सम्पादकहरूसँगको संवाद कार्यक्रममा बोल्दै अध्यक्ष ओलीले अहिलेको सरकार जनमत, राजनीतिक प्रक्रिया र संवैधानिक आधारबाट नभई “कसैले टपक्क टिपेर टाँसिदिएको सरकार” भएको आरोप लगाउनुभयो। उहाँले भने, “यो फेद न टुप्पोको सरकार हो।”

सरकार गठनको शैलीप्रति व्यंग्य गर्दै ओलीले नागपञ्चमीको उदाहरणसमेत प्रस्तुत गर्नुभयो। “गोबर लगाएर नाग टाँसे जसरी कसैले टाँसिदिएको सरकार हो। नागको फोटो कसले टाँस्यो, खोज्दै छु,” उहाँले कटाक्ष गर्नुभयो।