काठमाडौं । नेकपा एमालेको एघारौँ महाधिवेशनको उद्घाटन समारोह भक्तपुरको सल्लाघारीमा हुने भएको छ भने बन्दसत्र काठमाडौंको भृकुटीमण्डपमा आयोजना गरिने भएको छ।
महाधिवेशन व्यवस्थापन सचिवालयको आज बसेको बैठकले उद्घाटन तथा बन्दसत्रका स्थल टुंगो लगाएको हो। एमाले प्रचार विभाग प्रमुख राजेन्द्र गौतमका अनुसार अब उद्घाटन कार्यक्रम सल्लाघारीमा र बन्दसत्र भृकुटीमण्डपमा गर्ने निर्णय भएको छ।
एमालेले यसअघि २७ देखि २९ मंसिरसम्म एघारौँ महाधिवेशन गर्ने योजना सार्वजनिक गरेको थियो। प्रारम्भमा पोखरामा आयोजना गर्ने निर्णय भए पनि पछि स्थान परिवर्तन गरी काठमाडौं उपत्यकामा गर्ने निर्णयमा पुगेको थियो।
प्रतिक्रिया