हेटौँडा । झन्डै दुई दशकदेखि बन्द रहेको हेटौँडा कपडा उद्योग पुनः सञ्चालनको माग फेरि चर्किएको छ। कुनै समय देशकै गर्वका रूपमा चिनिएको यस उद्योगले एक समयमा १२ सयभन्दा बढी श्रमिकलाई रोजगारी दिएको थियो।
स्थानीय ९५ वर्षीय सूर्यबहादुर स्याङतानले भने, “हामीले यही उद्योगमा बनेको कपडा लगाएर छोराछोरी पालेका थियौं। अहिले पनि यो उद्योग चलाउन हामी तयार छौं, निजीकरणको आवश्यकता छैन।”
वि.सं. २०५७ माघ १८ गतेको मन्त्रिपरिषद् निर्णयले बन्द गरिएको यो उद्योग घाटा, प्रविधिको अभाव र राजनीतिक हस्तक्षेपका कारण ठप्प भएको थियो।
स्थानीयवासीहरूले भने यसको मूल कारण सरकारी उदासीनता र राजनीतिक अस्थिरता रहेको भन्दै उद्योगलाई स्थानीय स्वामित्वमा पुनः सञ्चालन गर्न माग गरेका छन्।
प्रतिक्रिया