काठमाडौं । जल तथा मौसम पूर्वानुमान महाशाखाका अनुसार देशभर मनसुनी वायुको प्रभाव क्रमशः कमजोर हुँदै गएको छ।
सुदूरपश्चिम, कर्णाली र लुम्बिनी प्रदेशको पश्चिमी भागमा भने अझै पश्चिमी वायुको प्रभाव जारी रहेको बताइएको छ।
महाशाखाका अनुसार आज दिउँसो कोशी प्रदेशसहित देशका पहाडी भू-भागमा आंशिक बदली रहनेछ भने बाँकी भू-भागमा मुख्यतया मौसम सफा रहने अनुमान गरिएको छ। देशका पहाडी भू-भागका एक-दुई स्थानमा हल्का वर्षा पर्ने सम्भावना छ।
त्यस्तै, आज राति पनि कोशी, बागमती र गण्डकी प्रदेशका पहाडी भू-भागमा आंशिक बदली रहनेछ भने बाँकी स्थानमा मौसम सफा रहनेछ। ती प्रदेशका पहाडी भू-भागका एक–दुई स्थानमा हल्का वर्षा हुन सक्ने महाशाखाले जनाएको छ।
प्रतिक्रिया