काठमाडौं । जेनजी आन्दोलनका क्रममा महाराजगञ्जमा भएको प्रहरी हत्या प्रकरणमा काभ्रेका युवराज क्यापफाकीलाई प्रहरीले पक्राउ गरेको छ ।

भदौ २४ गते जेनजी प्रदर्शनका क्रममा प्रदर्शनकारीहरूले आक्रमण गर्दा प्रहरी सहायक निरीक्षक (असई) मिलन राय र जवान उत्तम थापाको ज्यान गएको थियो । सामाजिक सञ्जालमा सार्वजनिक भएका फुटेज र अन्य प्रमाणहरूको अध्ययनपछि क्यापफाकी प्रहरी हत्यामा संलग्न रहेको पुष्टि भएको प्रहरीले जनाएको छ । जिल्ला प्रहरी परिसर भद्रकालीकी निमित्त प्रवक्ता डीएसपी पूर्णिमा चन्दका अनुसार, घटनामा संलग्न अन्य व्यक्तिहरूको पहिचान र पक्राउका लागि थप अनुसन्धान जारी छ ।

प्रहरीले यस प्रकरणमा कानुनी प्रक्रिया द्रुत गतिमा अघि बढाउँदै अन्य दोषीहरूलाई पनि कारबाही गर्ने जनाएको छ ।