काठमाडौं । मुक्तिनाथ विकास बैंक लिमिटेडले आफ्ना शेयरधनीहरूलाई गत आर्थिक वर्षको मुनाफाबाट लाभांश वितरण गर्ने निर्णय गरेको छ। बैंकले हाल कायम चुक्ता पूँजीको १८.२० प्रतिशत दरमा लाभांश दिने योजना बनाएको हो।
यसमा १३.५३ प्रतिशत बोनस शेयर र ४.६७ प्रतिशत नगद लाभांश (करसहित) समावेश गरिएको छ। भदौ ३१ गते बसेको बैंक सञ्चालक समितिको बैठकले सो निर्णय गरेको जनाएको छ।
नेपाल राष्ट्र बैंकको स्वीकृति र आगामी वार्षिक साधारण सभाबाट पारित भएपछि मात्र शेयरधनीहरूलाई लाभांश वितरण गरिनेछ। बैंकका अधिकारीहरूले यस कदमले शेयरधनीको प्रतिफल सुनिश्चित गर्दै वित्तीय स्थायित्व कायम राख्न मद्दत पुग्ने विश्वास व्यक्त गरेका छन्।
प्रतिक्रिया