सिन्धुलीः लोकतान्त्रिक आदिवासी जनजाती महासंघ हरिहरपुरगढीको दोश्रो अधिबेशनका अबसरमा आयोजित कार्यक्रममा माओवादी केन्द्र र नेपाली कांग्रेससँग सम्बद्ध पार्टी परित्याग गरि ३५ जना नेकपा एमालेमा प्रवेश गरेका छन् ।
नव प्रबेशीहरुलाई कार्यक्रमका प्रमुख अतिथि एवम् मनोजजंग थापाले खादा लगाउँदै एमालेमा स्वागत गर्नुभएको हो । नव प्रवेशीहरुलाई स्वागत गर्दै नेता थापाले नेकपा एमालेनैं नेपाली कम्युनिष्ट आन्दोलनको मूल प्रवाह भएको प्रष्ट पार्नुभयो ।
हरिहरपुरगढी–५ बोटेनीमा सम्पन्न भएको अधिबेशनबाट जगत बहादुर मोक्तानको नेतृत्वमा लोकतान्त्रिक आदिवासी जनजाति महासंघ हरिहरपुरगढीको २१ सदस्यीय कमिटी सर्वसम्मत रुपमा चयन गरेको छ ।
नेकपा एमाले केन्द्रिय कमिटी सदस्य कमल जंग राई,केन्द्रिय सल्लाहकार परिषद सदस्य रामकुमार पौडेल र बागमती प्रदेश कमिटी सदस्य हिरा लामा, बागमती प्रदेश उद्योग तथा बाणिज्य मन्त्री माननीय शुकुमायाँ तामाङको बिशेष आतिथ्यतामा कार्यक्रम सम्पन्न भएको हो ।
फोटोः विशाल राई