काठमाडौं । संयुक्त राष्ट्रसंघको आह्वानमा शान्ति स्थापना कार्यका लागि नेपाली सेनाको एउटा डफ्फा सोमबार त्यसतर्फ प्रस्थान गरेको छ ।

युनाइटेड नेसन्स इन्टेरिम फोर्स इन लेबननमा तैनाथ रहनका लागि इन्द्रध्वज गण (शान्ति सेना) ६५ औँ डफ्फाका २ सय १५ जना सैनिकत्यसतर्फ गएका हुन् । सेनानी लक्ष्मण खड्काको नेतृत्वमा यूएन चार्ट्ड फ्लाइटमार्फत डफ्फा काठमाडौंबाट मिसन इलाकातर्फ प्रस्थान गरेको नेपाली सेनाले जनाएको छ ।

उक्त मिसनमा रहेको श्री पुरानो गोरख गणका २ सय १४ जना नेपाली सैनिकको डफ्फाले कार्यकाल पुरा गरेको छ । कार्यावधि पुरा गरेको अन्तिम टोली गणपति प्रमुख सेनानी अनिलकुमार बुढाथोकीको नेतृत्वमा सोमबार नै स्वदेश फर्किएका छ ।
हाल उक्त मिसनमा नेपाली सेनाका ८ सय ७३ जना शान्ति सैनिक कार्यरत छन् ।