२०८२, १२ भाद्र शुक्रबार

इजरायलबाट फर्कन चाहने बाँकी नेपालीलाई पनि स्वदेश ल्याउने प्रक्रिया शुरु

इजरायलबाट फर्कन चाहने बाँकी नेपालीलाई पनि स्वदेश ल्याउने प्रक्रिया शुरु


काठमाडौं । इजरायलबाट स्वदेश फर्काउन बाँकी रहेकालाई पठाउन प्रक्रिया शुरु भएको इजरायलमा रहेको नेपाली दूतावासले जनाएको छ ।

इजरायलको तेल अभिभमा रहेको नेपाली दूतावासले विज्ञप्ति निकालेर नेपाल फर्कन चाहनेको सङ्ख्या अझै दुई सय जनाभन्दा धेरै रहेको र उनीहरुलाई स्वदेश फर्काउन सहजीकरण गर्ने प्रक्रिया शुरु भएको जनाएको हो । दूतावासका अनुसार नेपाल फर्कन चाहनेहरुले अनलाइनमार्फत् विवरण भर्ने क्रम पनि चलिरहेको छ ।

यस्तै, प्यालेस्टाइनी विद्रोही समूह हमासको आक्रमणमा परेर घाइते भएर इजरायलमै उपचार गराइरहेका तीन जनामध्ये एक जना डिस्चार्ज हुने क्रममा छन् । अर्का दुई जना घाइतेको भने उपचार भइरहेको छ । घाइतेमध्ये एक जना डिस्चार्ज भएर बिहान स्वदेश फर्किसकेका छन् ।

यस्तै, दूतावासका अनुसार हराइरहेका विपीन जोशीको खोजीलाई तीव्रता दिन इजरायल सरकारलाई फेरि आग्रह गरिएको छ । हमासको आक्रमणमा ज्यान गुमाएका १० जना विद्यार्थीको शव नेपाल ल्याउन इजरायलको नियम तथा प्रक्रिया अनुसार काम भइरहेको पनि इजरायलमा रहेको नेपाली दूतावासले निकालेको विज्ञप्तिमा उल्लेख छ ।

दूतावासले इजरायलमा रहेका नेपालीलाई संयम भएर दूतावाससँग समन्वय र सहकार्य गर्न तथा स्थानीय सुरक्षा निकायको निर्देशन पालना गर्न फेरि पनि आग्रह गरेको छ । इजरायलबाट २ सय ५४ जना आज बिहान स्वदेश फर्किसकेका छन् ।

बाँकी रहेका र नेपाल आउन चाहेकालाई पनि छिट्टै ल्याइने परराष्ट्रमन्त्री एनपी साउदले बताउनु भएको छ । उहाँले नियमित उडानमार्फत् पनि नेपालीलाई स्वदेश फर्काइने बताउनु भएको छ ।

प्रकाशित मिति : २०८०, २६ आश्विन शुक्रबार  २ : ०३ बजे

प्रधानमन्त्री ओलीको चीन भ्रमणबारे संसदमा जानकारी

काठमाडौं । प्रधानमन्त्री केपी शर्मा ओलीले भोलिदेखि सुरु हुने आफ्नो

कवाडीमाथिको अत्याचार तत्काल रोकियोस् स् सांसद नागिना यादवको माग

काठमाडौं । नेपाली कांग्रेसकी सांसद नागिना यादवले काठमाडौं महानगरपालिकाले कवाड

समानुपातिक समावेशी प्रणाली सबैभन्दा सस्तो प्रणाली हो : मन्त्री गुरुङ

काठमाडौं । सञ्चार तथा सूचना प्रविधि मन्त्री पृथ्वी सुब्बा गुरुङले

बानेश्वरमा पत्रकारमाथि हातपात, प्रेस चौतारी नेपालद्वारा दोषीमाथि कडा कारबाहीको माग

काठमाडाैं । बुधबार राजधानीको बानेश्वर क्षेत्रमा समाचार संकलनका क्रममा नयासवाल

रास्वपा नेता अरनिको पाँडेविरुद्ध अदालतमा मुद्दा

काठमाडौं । रास्वपा केन्द्रीय सदस्य अरनिको पाँडेविरुद्ध काठमाडौं जिल्ला अदालतमा