धुलिखेल ९ जेठ :  काभ्रेमा  कोरोना भाइरसको संक्रमण बढ्दै गएपछि काभ्रेका ७ वटा स्थानीय तह शिल गरिएको छ । पाँचखाल नगरपालिका क्षेत्र २०७८ जेठ ८ गते दिउसो जेठ २३ गते सम्मका लागि शिल गरेको छ ।

धुलिखेल नगरपालिका र पनौती नगरपालिका २०७८ जेठ ८ गते राती १२ बजेदेखी जेठ १२ गते राती १२ बजेसम्म शिल गर्ने भएको छ । रोशी गाउँपालिकाका सबै क्षेत्र २०७८ जेठ ७ गते राती १२ बजेदेखि ,जेठ १२ गते राती १२ बजेसम्म शिल गरिएको छ भने भुम्लु गाउँपालिका क्षेत्रमा जेठ ९ गतेदेखी १५ गतेसम्म शिल गर्ने निर्णय भएको छ । यसैगरी बनेपा र नमोबुद्ध नगरपालिका जेठ ४ गते राति १२ बजेदेखि जेठ १२ गते राति १२ बजेसम्म शिल गरिएको छ ।

सबै स्थानीय तहहरुले अत्यावश्यक अस्पताल र औषधी पसल बाहेक अन्य पसल व्यवसाय बन्द गर्न आग्रह गरेका छन् ।