धुलिखेल ३० चैत्र : सिन्धुपाल्चोकको सुकुटे बजारमा बसले मोटरसाइकललाई ठक्कर दिँदा एक जना यूवाको मृत्यु भएको छ ।
मृत्यु हुनेमा मोटरसाइकल सवार त्रिपुरासुन्दरी गाउँपालिकाका नारायण श्रेष्ठको मृत्यु भएको सिन्धुपाल्चोक पहरीले जनाएको छ । दुर्घटनामा परी एकजना गम्भीर घाईते भएको छ ।

प्रहरीका अनुसार श्रेष्ठको सदावहार अस्पताल खाडिचौरमा उपचारका क्रममा मृत्यु भएको हो । घाईते सोमबहादुर श्रेष्ठलाई उपचारको लागि काठमाडौंको ह्याम्स अस्पतालमा पठाएको छ ।

काठमाडौंबाट दोलखा जादै गरेको बा ३ ख ९६५८ नम्बरको अरनिको यातायात प्रा.लिको बसले खाडिचौरबाट काठमाडौतर्फ आउँदै गरेको ६९८७ नम्बरको मोटरसाइकलाई ठक्कर दिएको थियो ।