पाँचखाल, ३० माघ । काभ्रेको पाँचखाल होक्सेमा कोदालोको विडले हानेर छोराले बाबुको हत्या गरेका छन् ।
पाँचखाल नगरपालिकाको वडा नं ७ होक्से जोरपिपलका ३८ वर्षीय राजु गौतमले ५५ वर्षीय बाबु बलरामको कोदालोको विडले हानेर हत्या गरेको प्रारम्भिक अनुसन्धानबाट खुलेको जिल्ला प्रहरी कार्यालय काभ्रेले जनाएको छ ।
के विषयमा विवाद भएर घटना भएको हो त्यसबारे भने अनुसन्धान भइरहेको प्रहरीले जनाएको छ ।
स्थानीय बासिन्दाका अनुसार बाबु छोराको यसअघि पनि पटक–पटक झगडा हुँदै आएको थियो । छोराले प्रेसर कुकरले हिर्काउँदा घाइते समेत भएका थिए ।।
प्रतिक्रिया