धुलिखेल १२ पुस :   जिल्ला मालपोत कार्यालय काभ्रेले आज (आईतबार) देखिबार अनुसार आलोपालो सेवा प्रवाह गर्ने भएको छ ।

कोरोना भाईरसको संक्रमणलाई मध्यनजर गर्दै कार्यालयले बार अनुसार सेवाग्राहीलाई सोवा दिने निर्णय गरेको कार्यालयका मालपोत अधिकृत ऋषिकुमार दाहालले बताउनु भयो ।  अधिकृत दाहालका अनुसरा सेवाग्राहीको भिडभाडलाई ब्यवस्थित गरी स्वास्थ्य सुरक्षाका उपायहरु अपनाउदै आलोपालो सेवा संञ्चालन गरिने छ । सोवा प्रवाह गर्न स्थानिय तह अनुसार बार तोकिएको छ ।

आईतबार, मंगलबार र बिहिबार बनेपा, नमोबुद्ध र धुलिखेल नगरपालिकाका सेवाग्राहीहरुले कार्यालयबाट सेवा लिन सक्ने छन् । यस्तै सोमबार,बुधबार र शुक्रबार पनौती,पाँचखाल र मण्डनदेउपुर नगरपालिकाका सेवाग्राहीहरुका लागी बार तोकिएको छ ।

गाँउपालिकाका सेवाग्राहीहरुले भने आर्ईतबार देखी शुक्रबार सम्म मालपोत कार्यालयबाट सेवा लिन सक्ने छन् ।