काभ्रे : काभ्रेको तेमाल गाँउपालिका वडा नम्बर– ६ वडा कार्यालयले अनलाइन मार्फत व्यक्तिगत घटना दर्ता सुरु गरेको छ । प्रविधिको विकाससँगै कार्यालयबाट दिइने सेवा सुविधाहरुलाई पनि प्रविधीमैत्री बनाउने उद्देश्यले अनलाइन घटना दर्ता सुरु गरेको वडा अध्यक्ष बिकुलाल मोक्तानले जानकारी दिनुभयो ।
अनलाइन घटना दर्तासँगै जन्म, मृत्यु, बसाइसराई, विवाह दर्ता लगायतका घटना अनलाइन मार्फत दर्ता गर्न सकिने बताइएको छ । स्थानीय तह भएपछि अनलाइनमार्फत व्यक्तिगत घटना दर्ता सुरु गर्ने वडा कार्यालय पहिलो रहेको उहाँले बताउनुभयो ।
प्रतिक्रिया