काठमाडौं, १८ मंसिर  :  काभ्रेमा २९ औं अन्तराष्ट्रिय अपांगता दिवस विविध कार्यक्रम गरी मनाइएको छ । सोही अवसरमा काभ्रेका पालिकाहरुमा प्रभातफेरी र अन्तरक्रियको अयोजना गरी दिवश मनाएको छ ।

धुलिखेल नगरपालिकाले नगरक्षेत्रका केही अपाङ्गता भएका व्यक्तिहरुलाई साहयता समाग्री बितरण गरी यो दिवश मनाएको हो । अपाङ्गता भएका व्यक्तिलाई सहयोग गर्ने सेतो छडी, श्रवण यन्त्र, ह्लिल चियर लगायतका सामाग्री नगरपालिकाले वितरण गरेको उपप्रमुख विमला शर्माले बताउनु भयो ।

यसैगरी मण्डनदेउपुर र नमोबुद्ध नगरपालिकाले अन्तरक्रिया कार्यक्रम गरेर दिवस मनाएको नगरपालिकाले जनाएको छ । यो वर्ष कोरोना भाईरस संक्रमणको जोखिम कायमै रहेकाले बिगतका वर्षहरुमा जस्तो भेला भएर भने कार्यक्रम आयोजना नगरेको जिल्ला अपाङ्ग संघ संस्था समन्वय समिति काभ्रेका अध्यक्ष सुरेश धितालले बताउनुभयो ।