धुलिखेल ७ मंसिर काभ्रेमा पाँचवटा अस्पताल शिलान्यासको तयारी अन्तिम चरणमा पुगेकाे छ । जिल्लाका पालिकाहरुमा सरकारले अस्पताल निर्माणका लागि आर्थिक स्रोत र जग्गासमेत सुनिश्चित गरिसकेको छ । यसै अन्र्तगत काभ्रेको पाँचवटा पालिकामा अस्पताल निर्माण हुने भएको हो । निर्माण हुने अस्पताल शिलान्यासको तयारी अन्तिम चरणमा पुगेको बताईएको छ ।

धुलिखेल नगरपालिकाको काभ्रे स्वास्थ्य चौकीमा १५ शैयाकोेअस्पताल निमार्ण हुने स्वास्थ्य मन्त्रालयले जनाएको छ । यस्तै खानीखोला गाँउपालिकाको तालढुङ्गा स्वास्थ्य चौकी,भुम्लु गाँउपालिकाको भुम्लुटार स्वाथ्य चौकी, महाभारत गाँउपालिकाको घर्तिछाप स्वास्थ्य चौकी र रोशी गाँउपालिकाको खहरे पाँगु स्वास्थ्य चौकीमा १०र१० शैयाकोअस्पताल निमार्ण हुने छ । आउँदो १५ गते देशभर ३९६ वटा अस्पतालको एकैदिन शिलान्यास हुने मन्त्रालयले जनाएको छ । यी सबै अस्पताल दुई वर्षभित्र बनाइसक्ने सरकारको लक्ष्य छ ।

सबै नागरिकलाई आधारभूत स्वास्थ्य सेवा पुर्याउने लक्ष्यसहित सरकारले अस्पताल नभएका पालिकामा एकैदिन अस्पताल निर्माणको शिलान्यास गर्ने तयारी गरेको हो । ५, १० र १५ शैय्याको आधारभूत अस्पताल दुई वर्षभित्र निर्माण सम्पन्न गर्ने गरी बहुवर्षीय ठेक्का प्रक्रिया अघि बढाउन अर्थ मन्त्रालयले सहमति दिने निर्णय गरिसकेको छ ।यसरी कायम हुने रकम स्वास्थ्य तथा जनसंख्या मन्त्रालयको वार्षिक बजेटमा समावेश गरी पालिकामा सशर्त अनुदानका रूपमा उपलब्ध गराइनेछ ।

चालु आर्थिक वर्षको नीति तथा कार्यक्रममा सबै पालिकामा ५ देखि १५ शैय्यासम्मका आधारभूत अस्पताल स्थापना गर्ने उल्लेख छ ।