काभ्रे १५ असोज : अनौपचारिक क्षेत्र सेवा केन्द्र (इन्सेक) बागमती प्रदेशले जिल्लामा कार्यरत प्रतिनिधिहरूका लागि कार्य क्षमता तथा तथ्याङ्क संकलनमा दक्षता अभिवृद्धि र पुनर्ताजगी कार्यक्रम २०७७ असोज १५ गते काभ्रेको धुलिखेलमा सम्पन्न गरेको छ ।

कार्यक्रममा मानव अधिकार प्रलेख तथा बहस पैरवी विभागका प्रमुख श्रीराम बजगाईले ईन्सेकले नयाँ प्रविधि मार्फत मानव अधिकार अभिलेखीकरण र मानव अधिकार उल्लङ्घन तथा ज्यादतिका घटनाहरूका तथ्याङ्क प्रणालीलाई छरितो र प्रविधिमैत्री बनाउने बताउनु भयो । त्यस्तै प्रमुख बजगाईले ईन्सेकले राज्यको नयाँ संरचना अनुसार वर्षभरिका परियोजना र घटनाहरु सफल बनाउन पुनर्ताजगी कार्यक्रमले सहयोग पुग्ने बताउनु भयो ।

कार्यक्रममा इन्सेकका कार्यकारी निर्देशक विजयराज गौतमले इन्सेकले आफ्नो योगदानलाई अझै सिर्जनशील र प्रभावकारी बनाउन तालिमले सहयोग गर्ने बताउनु भयो । कार्यकारी निर्देशक गौतमले ईन्सेकद्वारा सङ्कलित र प्रकाशित समाचार र घटनाहरु विश्वासनियता तथ्यपरक बनाउनु पर्ने कुरामा जोड दिनु भयो ।

ईन्सेक बागमती प्रदेश संयोजक कृष्ण गौतमले घटना संकलन अध्यवधिक गर्ने क्रममा देखिएका कमीकमजोरीलाई समेत आगामी दिनमा नदोहोरिने गरी पुनर्ताजगी कार्यक्रम गरिएको बताउनु भयो । कार्यक्रममा बागमती प्रदेश १३ जिल्लाका ईन्सेक प्रतिनिधिहरुको सहभागी हरेका थिए ।