धुलिखेल, १५ भदौँः धुलिखेल नगरपालिकाले नगरभित्र अत्यावश्यक बाहेकका सबै सेवा भदौँ २२ गतेसम्म बन्द गर्ने निर्णय गरेको छ । नगरपालिकाभित्र कोरोना संक्रमितको संख्या बढ्दै गएपछि साउन ३० गतेदेखि अत्यावश्यक बाहेकका सबै सेवा बन्द छ ।

नगरप्रमुख अशोक कुमार ब्याञ्जु श्रेष्ठले आज जारी गरेको विज्ञप्तीमा २२ गतेसम्म सेवा बन्द हुने र बैठक, गोष्ठी, भेला जस्ता कार्यक्रम नगर्न आग्रह गरिएको छ । त्यस्तै धार्मिक स्थलमा हुने दैनिक नित्य पूजा बाहेक अन्य कुनै पनि गतिविधि गर्न रोक लगाइएको नगरप्रमुख श्रेष्ठले बताउनुभयो । चाडपर्व मनाउँदा भौतिक दुरी कायम राख्दै स्वास्थ्य मापदण्ड पालना गर्न समेत आग्रह गरिएको छ ।