धुलिखेल, १० भदौँः काभ्रेको १३ वटा स्थानीय तहको स्वाब दुईवटा प्रयोगशालाबाट गरिने भएको छ । जिल्ला कोभिड संकट ब्यवस्थापन केन्द्र (डिसीसीएमसी) को आज बसेको बैठकले दुईवटा स्थानीयतहका लागि प्रयोगशाला छुट्याएको हो । धुलिखेल अस्पतालको प्रयोगशालामा पनौती, पाँचखाल र मण्डनदेउपुर नगरपालिका तथा भुम्लु रोशी, तेमाल र बेथानचोक गाउँपालिकाबाट संकलन गरिएको स्वाब परीक्षण गरिनेछ ।

त्यसैगरी जनस्वास्थ्य प्रयोगशालामा बनेपा, धुलिखेल र नमोबुद्ध नगरपालिका तथा चौरीदेउराली, खानीखोला र महाभारत गाउँपालिकाबाट संकलन गरिएका स्वाब परीक्षण हुने स्वास्थ्य कार्यालयका प्रमुख डाक्टर नरेन्द्र कुमार झाले जानकारी दिनुभयो । प्रयोगशाला निर्धारण गरेपछि स्वाब संकलनका आधारमा जुन प्रयोगशालामा कम छ त्यसैमा गर्ने निर्णय पनि डिसीसीएमसीले गरेको छ ।