पनौती २८ साउन : अन्तराष्ट्रिय युवा दिवसको अवसर पारेर पनौती युवा मञ्चले रक्तदान कार्यक्रम गरेरको छ । ‘विश्वव्यापी कार्यका लागि युवा संलग्नता’ भन्ने मुल नाराका साथ युवा मञ्चले पनौतीको बसपार्कमा रक्तदान कार्यक्रमको आयोजना गरेको हो ।

नेपाल रेडक्रस सोसाइटी काभ्रे शाखाको प्राविधिक सहयोगमा रक्तदान कार्यक्रम भएकोे पनौती युवा मञ्चका अध्यक्ष सौगात बस्नेतले जानकारी दिनुभयो । उहाँका अनुसार ३० जनाले रक्तदान गरेका थिए । कोभिड–१९ का कारण भीडभाड गर्न नहुने भएपछि ३० जनालाई मात्र रक्तदान कार्यक्रममा सहभागि गराइएको पनौती युवा मञ्चका अध्यक्ष बस्नेतले बताउनुभयो ।

आज देशभर ‘विश्व अभियानका लागि युवा सहभागिताः रोजगारी प्रबद्धन र वातावरण संरक्षणमा युवा संलग्नता’ भन्ने मुल नाराका साथ विभिन्न कार्यक्रम गरी मनाएको छ ।