काठमाडौं १८ साउन नेपालमा आज दुई सय ४६ जनामा कोरोना संक्रमण पुष्टि भएका छन् । पछिल्लो २४ घन्टा भित्र देशभर गरिएको परीक्षणामा थप दुई सय ४६ जनामा कोरोना संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार देशभर हालसम्म संक्रमितको संख्या २० हजार तीन सय ३२ पुगेको छ । विगत २४ घन्टामा आठ हजार आठ सय ३१ जनाको नमुना पिसिआर विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ ।
यो अवधिमा एक सय ११ जना संक्रमणमुक्त भई डिस्चार्ज भएका छन् । देशभर सक्रिय संक्रमितको संख्या पाँच हजार ६ सय ७२ र क्वारेन्टाइनमा बस्नेको संख्या १० हजार नौ सय ३४ रहेको मन्त्रालयका प्रवक्ता डा. जागेश्वर गौतमले बताए ।
प्रतिक्रिया