धुलिखेल, १३ साउनः काभ्रेको विकट खानीखोला गाउँपालिकामा झाडापखाला बिरामीको हेलिकप्टर मार्फत उद्दार गरिएको छ । पालिकाको वडा नम्बर ६ सतभैयाका रन्जिता थोकरलाई हेलिकप्टर मार्फत उद्दार गरिएको गाउँपालिकाका प्रवक्ता मान बहादुर गोलेले जानकारी दिनुभयो ।

थोकर ३ दिन देखि झाडापखालाका कारण हाल बेहोस अवस्थामा रहेको र स्थानीय स्वास्थ्य चौकीमा उपचार सम्भब नभएपछि उपचारको लागि काठमाडौ ल्याइएको हो । गाउँ जाने सबै सडक मार्ग बर्षासँगै अवरुद्ध भएपछि जिल्लाको विकट क्षेत्रका बिरामीको उद्दारमा हेलिकप्टर प्रयोग हुदैँ आएको छ ।

हिजो मात्रै खानीखोला गाउँपालिकाको वडा नम्बर ४ जगथलीकी गर्भवती महिलाको पनि हेलिकप्टर मार्फत उद्दार गरिएको थियो ।