धुलिखेलख, १ साउनः सिन्धुपाल्चोक जिल्लाको भोटेकोशी गाउँपालिका वडा नं ४ स्थित फुल्पिङकट्टीमा गएराती गएको पहिरोले घर पुरिंदा ५ जना महिला बेपत्ता भएका छन् । एकै घरका आमा, एक छोरी, बुहारी र दुइ नातिनी पुरिएको स्थानियले जानकारी दिए ।
घटनास्थल तर्फ उद्धारका लागि प्रहरी गइरहेको बताइएको छ । सिन्धुपाल्चोकमा लगातारको बर्षासँगै पहिरो आउने क्रम रोकिएको छैन । यसअघि पनि बाह्रबिसे र भोटेकोशी गाउँपालिकाका २० जना पहिरोमा पनि बेपत्ता भएका थिए ।
उनीहरुलाई भोटेकोशी नदीले बगाएको अनुमान गरिएको छ । काठमाण्डौबाट उद्धारका लागि गएको टोली समेत फर्किसकेको छ ।
प्रतिक्रिया