धुलिखेल, २५ असारः पाँचखाल नगरपालिकाको न्यायिक समितिमा लकडाउनको समयमा पनि ५ वटा विवाददर्ता भएको छ । दर्ता भएका विवाद साधसिमाना र गालिगलौचको रहेको छ ।
नगरपालिकाकाको न्यायिक समितीमा चालु आर्थिक बर्ष २०७६÷७७ मा २९ वटा विवाद दर्ता भएका छन् । यो मध्ये एउटा विवादको निर्णय भएको छ भने ९ वटा विवाद मेलमिलापको माध्यमबाट टुंगिएकोे छ ।
बाँकी रहेका विवाद समाधानको प्रक्रियामा रहेको उपप्रमुख एंव न्यायिक समितिका संयोजक लक्ष्मी दनुवारले जानकारी दिनुभयो । बिहिबार मात्र वडा नं २ र ४ को २ वटा विवादको विषयमा पनि छलफल भएको छ ।
प्रतिक्रिया