धुलिखेल, २४ असारः काभ्रेको मण्डनदेउपुर नगरपालिकाको प्रशासकीय भवन १२ करोडको लागतमा तयार हुने भएको छ । पार्क सहित साढे २ तलाको ५८ कोठे भवन निमार्ण हुन लागेको हो ।

भवन निमार्णको लागि प्रदेश सरकार, जिल्ला विकास समिती, जिल्ला समन्य समितीले लगायत अन्य संघसंस्थाको सहयोग गरेको छ । प्रशासकीय भवनकै विषयमा रहेर नगरपालिकाले आज छलफल कार्यक्रम राखेको नगरपालिकाका उपप्रमुख निर्मला शाहीले जानकारी दिनुभयो । भवन भाद्र महिनामा टेन्डरमा जाने छ ।

यसैबिच नगरपालिकाको क्वारेन्टाइनमा रहेका ८ जनालाई प्रदेश ३ को आयुर्बेद विभागले आयुर्बेदिक औषधी वितरण गरेको छ । रोग प्रतिरोधात्मक क्षमता बृद्धि गर्ने भन्दै क्वारेन्टाइनमा बसिरहेका ८ जना, जनप्रतिनिधी र स्वास्थ्यकर्मी गरी २५ जनालाई औषधी वितरण गरेको उपप्रमुख शाहीले जानकारी दिनुभयो ।