धुलिखेल, १० असारः सिन्धुपाल्चोक जिल्ला लिसंखु पाखर गाउँपालिकाको गाउँसभाले आगामी आर्थिक वर्षको नीति, कार्यक्रम र बजेट पारित गरेको छ । आज बसेको छैठौँ गाउँसभाले बार्षिक नीति, कार्यक्रम र बजेट पारित गरेको हो ।
गाउँ सभामा आर्थिक वर्ष ०७७÷०७८ का लागि ५१ करोड, ५६ लाख ६३ हजार ८१० रुपैयाँ बजेट प्रस्तावित गरिएको थियो । प्रस्ताव गरिएको नीति, कार्यक्रम बजेट सर्वसम्मत पारित भएको गाउँपालिकाले जनाएको छ ।
त्यस्तै गाउँपालिकाको अर्थ सम्बन्धी प्रस्तावलाई कार्यान्वयन गर्न बनेको आर्थिक विधेयक, २०७७ पनि गाउँसभाले पारित गरेको छ ।
प्रतिक्रिया