धुलिखेल, ८ असारः बनेपा नगरपालिका वडा नम्बर ५ मा रहेको चण्डेश्वरी हेल्थकेयर प्रालिमा आगलागी हुदाँ सबै औषधि जलेर नष्ट भएको छ । आज बिहान आगलागी भएको हो ।

आगलागिबाट सम्पूर्ण औषधि जलेर नष्ट भएको हेल्थकेयर प्रालिका प्रवन्ध निर्देशक शिव कुमार श्रेष्ठले जानकारी दिए । उनका अनुसार ६५ लाख ७० हजार बराबरको औषधि जलेर नष्ट भएको छ ।

ओभन तताउने क्रममा विद्यूत सट भएर आगलागी भएको बताइएको छ । जिल्लाकै विभिन्न गाउँपालिका र पूर्वी पहाडका जिल्लाहरुले अडर गरेर बनाइएको औषधि जलेका छन् ।

औषदी उत्पादनका लागि ल्याइएका कच्चा पदार्थ समेत जलेर नष्ट भएको छ । क्वारेन्टाइन बस्ने र कोरोना संक्रिमतहरुका आवश्यक शक्ति बद्र्धक औषधिको अडर समेत थियो ।