धुलिखेल, १ असारः काभ्रेको खानीखोला गाँउपालिकाले आगामी आर्थिक वर्षको योजाना निमार्णका लागि पालिका बासीसँग सुझावहरु संकलन गर्न सुरु गरेको छ । कोभिड–१९ का कारण सामान्य अवस्था नभएकाले गाँउपालिका तथा वडा कार्यालहरुमा सुझाव संकलन सुरु गरिएको गाँउपालिकाका अध्यक्ष कृष्ण बहादुर खुलालले जानकारी दिए ।
आगामी आर्थिक वर्षको वार्षिक नीति, कार्यक्रम तथा बजेट तर्जुमा गर्न सबै नागरिकले सुझावहरु दिन सक्ने छन् । वडाका नागरिकले गाँउपालिकाको कार्यालय र ६ ओटै वडा कार्यालयका साथै गाँउपालिकाको फेसबुक पेज र ईमेलमा मार्फत असार ५ गते सम्म सुझाव दिन सक्ने गाँउपालिकाले जनाएको छ ।
प्रतिक्रिया