धुलिखेल, ३१ जेठः काभ्रेमा आज ८४ जनामा मानिस विभिन्न क्वारेन्टाइनमा रहेका छन् । ६४ जना पुरुष र २० जना महिला क्वारेन्टाइनमाा रहेको जिल्ला कमाण्ड पोष्ट काभ्रेले जनाएको छ । जिल्लामा क्वारेन्टाइन बेड संख्या बढाइएको छ । हिजोसम्म क्वारेन्टाइनको संख्या ६ सय ७४ बेडको थियो । तर आज ७ सय ३ पुगेको छ ।

११ बेड संख्या पाँचखालमा २९ बेड थपिएको छ । धुलिखेलमा ६५, बनेपामा ५०, पनौतीमा ६०, रोशी गाउँपालिमा ८५ बेड संख्या क्वारेन्टाइन तयारी अवस्थामा राखिएको छ । त्यस्तै महाभारतमा ४६, मण्डदेउपुरमा २५, चौरीदेउरालीमा ३०, भूम्लुमा ३०, बेथानचोकमा ३५, तेमालमा १ सय ५ र खानी खोला गाउँपालिकामा २४ बेडको क्वारेन्टाइन रहेको छ ।

जिल्लामा आइसोलेसन कक्ष भने धुलिखेल अस्पतालमा ८ र बनेपाको शिर मेमोरियलमा ५ गरि जम्म १३ वटा छ ।